MALFERMITA LETERO

5/6/2014

 PRI KONTRAŬLEĜA INSTALADO DE BORSTACIO  FARE DE ĈINIO EN VJETNAMAJ AKVOJ

 

LIÊN HIỆP CÁC TỔ CHỨC HỮU NGHỊ VIỆT NAM

THE VIETNAM UNION OF FRIENDSHIP ORGANIZATIONS (VUFO)

 VJETNAMA UNIO DE AMIKECAJ ORGANIZOJ

105A Quán Thánh, Hà Nội, Việt Nam Tel: 84.4.8456303 - Fax: 84.47330201

 

 

 

 

 

     

 

 

 

 

 

 

 

 

 

 

Hanojo, la 27an de Majo, 2014

MALFERMITA LETERO

PRI KONTRAŬLEĜA INSTALADO DE BORSTACIO  FARE DE ĈINIO EN VJETNAMAJ AKVOJ

Karaj geamikoj,

Dum la lastaj tagoj, la vjetnama popolo kaj la internacia komunumo multe maltrankvikiĝis pri kontraŭleĝa instalado de profunda akva borad-platformo Haiyang Shiyou 981 fare de Ĉinio ĉe situo 80 naŭtikajn mejlojn profunde en kontinenta breto de Vjetnamio kaj ĉirkaŭ 120 naŭtikajn mejlojn de la vjetnama marbordo. Cetere, Ĉinio mobilizis por funkciado en la areo grandan nombron de ŝipoj, inkluzive de militaj ŝipoj kaj aviadiloj, kiuj timigis kaj atakis ŝipojn de Vjetnama Marborda Polico kaj ŝipojn de Fiŝkaptado Kontrolo  kaj aliajn ŝipojn kiel boatojn de fiŝistoj fiŝkaptantaj en vjetnamaj akvoj.

Tio pliigis streĉiĝojn en la Orienta Maro.

La ĉinaj unuflankaj movoj serioze malobservas vjetnaman suverenan rajton kaj jurisdikcion super ĝia ekskluziva ekonomia zono kaj kontinenta breto, kontraŭas la Deklaracion pri la konduto de Partioj en la Orienta Maro (DOC) inter Ĉinio kaj ASEAN membroŝtatoj , kaj serioze malrespektas la 1982 Konvencion de Unuiĝintaj Nacioj pri la Leĝo de la Maro (UNCLOS). Ili negative influas pacon kaj stabilecon en la regiono kaj la mondo entute, samtempe subfosadante la rilatojn de amikeco kaj kunlaboro inter Vjetnamio kaj Ĉinio, kiuj estis penige konstruitaj kaj nutritaj de generacioj de gvidantoj kaj popolo ambaŭ landoj. La vjetnama flanko estis persista kun pacaj mezuroj insistante, ke Ĉinio metu finon al la supre - menciitaj movoj, retiru la platformon kaj ĉiuj eskorto-ŝipoj kaj aviadiloj el la ekskluziva ekonomia zono kaj kontinenta breto de Vjetnamio, kaj obeu la internacian juron kaj la DOC.

Ni notas kun dankemo, ke dum la pasintaj tagoj amikaj individuoj kaj organizoj en la mondo esprimis sian maltrankvilon, kaj levis sian voĉon en protesto kontraŭ la ĉinaj movoj kaj apogis la  justan kaj sagacan pozicion de Vjetnamio.

Tamen, spite de la klopodoj de Vjetnamio kaj internacia opinio, ĝis nun, Ĉinio daŭrigis siajn iam pli seriozajn malobservojn.

En tia kunteksto, ni fervore alvokas internaciajn geamikojn, individuojn kaj similajn organizojn,  politikajn rondojn, kaj pac- kaj justec-amantajn homojn en la mondo daŭre levi siajn voĉojn por postuli, ke Ĉinio rapide retiru la platformon, eskorto- ŝipojn kaj aviadilojn el la ekskluziva ekonomia zono kaj kontinenta breto de Vjetnamio, respektu internacian juron kaj juran suverenecon de Vjetnamio, kaj ĉesigu unuflankajn agojn minacantajn pacon, stabilecon kaj sekurecon en la regiono. /.