DODESPE-sekcio daŭre aktivadas: majo 2014 raporto

5/6/2014

 La varmega vetero de majo ne malhelpis DODESPE-anoj alveni al la ĉiumonata renkontiĝo. Menciindas la ĉeeesto de Do Thi Toan, prezidantino de Hanoja Esperanto-Asocio (HanEA), vic-prezidantino de Vjetnama Esperanto-Asocio (VEA).

 

              Multaj eventoj raportindas.

     1.-     La maja esperanta Sumoo-konkurso

     Partoprenis tri Dodespe-anoj el la 5 vjetnamaj luktistoj.  Oni faris recenzon pri la libro “Raportoj el Japanio 16” de Hori Jasuo, reliefante la dignan sintenon de la japana popolo dum kaj post la cunamo; la lukton kontraŭ la konsekvencoj de poluado post la Fukuŝima-katastrofo. Oni laŭtlegis kortuŝan skribaĵon de Kamata Monoko, 12-jara lernantino pri la morto de sia amikino Mami, viktimo de cunamo. La recenzo kaj la skribaĵo kun traduko al la vjetnama estis distribuitaj al la ĉeestantoj.

 

   2.- Artikoloj en Vikipedio pri vjetnama kulturo

    Dum la du lastaj monatoj aperis en Vikipedio dek artikoloj pri vjetnama kulturo verkitaj aŭ kontribuitaj de vjetnamaj esperantistoj kiel: banĉuno (gluriza kuko), kukofrinio (la folio por paki banĉunon), laloto (Piper  lolot folio por paki hakitan viandon), ĉakalavongo (rostita fiŝa specialaĵo de Hanojo), lendongo (vjetnama mediumo ritaro)... Tiuj artikoloj estis montritaj sur granda televida ekrano kun voĉa klarigo.

 

  3.- Fabelo “La dezirperlo” prezentita per powerpoint.

   Post la sukceso de la fabelo My Nuong kaj Truong Chi keljan monatojn antaŭe, sekvas la popola fabelo “La dezirperlo” bele ilustrita kun muzika fono kaj komento en Esperanto. Tio estas la rezulto de kunlaboro de multaj membroj.

 

 Ĉiuj partoprenintoj promesis kontribui laŭ sia kapableco al la disvastigo de vjetnama kulturo pere de Esperanto.

 

             Raportis: Jada Valoraĵo