Pham Thi Hue – Unu Talenta Artisto

8/12/2011

Pham Thi Hue estas ĝenerale fama ne nur pro sia  perfekta beleco kaj muzika talento, ŝi havas ankaŭ la meriton  konservi  la kvintesencon de Ca tru, originala akademieca arta prezentado de Vjetnamio, lastatempe rekonita de UNESKO kiel protektenda netuŝebla kultura heredaĵo de la homaro.




.
      

Pham Thi Hue prezentas Ca tru kun  geartistoj  Nguyen Thi Chuc (mezo ) kaj  Nguyen Phu De.

      

Vjetnama Ministro pri Kulturo, Sportoj kaj Turismo Hoang Tuan Anh ( nigra vesto) kaj Ca tru artistoj ĉe la Unua Ca tru Festivalo en Hanojo. Pham Thi Hue  staras  apude  la Ministro
          

        La Ca tru klaso gvidita de  Pham Thi Hue allogas  multajn junajn studentojn

         


Artistino Pham Thi Hue.

 

Pham Thi Hue estas la plejaĝa filino de la fotografia artisto Hoa Huu. Je sia 8-a aĝo, Hue trapasis enir-ekzamenon al la Hanoja Konservatorio. La instruistoj vidis en ŝi, krom ŝian mirigan belecon, specialan talenton en tradicia muziko prezentado, sekve ili sendis ŝin studi en la klaso pri Ty ba  (la 4-korda liuto). En 1996, Hue diplomiĝis  ĉe la konservatorio post 15 jaroj da studo, kaj ekde tiam ŝi estis laboranta tie kiel instruisto de Ty ba.

Hue memoris tion, kiu gvidis ŝin  al la studo de Ca tru estis io speciala. En 2000, piedirante sur Bich Cau strato en Hanojo, ŝi hazarde renkontis Nguyen Thi Chuc, maljunan metiistinon kiu estas tre fama inter la vjetnamaj Ca tru artistoj. Tiu neatendita renkontiĝo ŝanĝis al Hue profesian vivon. De tiun tagon ŝi fariĝis disĉiplon de Nguyen Thi Chuc. Ŝi estis instruita ludi la muzikajn instrumentojn uzitajn en Ca tru de Nguyen Phu De, "la supreranga muzika prezentisto de la Norda" kiel rangigita  de la artismaj kritikantoj, kaj ŝi ellernis  tradician voĉan teknikon de metiistino Pho Thi Kim Duc, kiuj ambaŭ estas tre respektataj Ca tru prezentistoj.

Ca Tru estas arto, kiu bezonas bonajn, dediĉitajn prezentistojn. Multaj artistoj ne komencis siajn prezentadojn ĝis ili estas 17 aŭ 18 jaraĝaj, studinte ĉi tiun arton ekde la  5a aŭ 6a jaraĝo. En la kazo de Hue, ŝi komencis lerni Ca tru kiam ŝi estis preskaŭ 30 jaraĝa, “ tro malfrue” laŭ la rimarko de multe da  homoj. Sed danke al ŝia granda persisto, kune kun ŝia talento donita de Dio, ŝi rapide progresis. Post tri monatoj studanta la teknikojn en prezentado de Ca tru, interalie kiel paŭzi dum spirado kaj kiel liberigi vortojn dum kantado, ŝi estis rekompencita de metiistino Pho Thi Kim Duc, kiu diris al ŝi: "Vi ellernis Ca tru de mi en tri monatoj dum aliaj bezonis tri jarojn. Hodiaŭ mi havas nenion plu por instrui vin.”  

Hue memoris, ke studinta dum ses jaroj sub la gvidado de fama pliaĝa metiistino Nguyen Thi Chuc, en Junio de 2006, s-ino Chuc diris al ŝi: "Mi estas nun kiel ora folio sur la arbo, kiu povus fali iam ajn. Vi havas akirinta la kompetentecon de Ca tru prezentado, tial al vi venas la tempo por elmontri vian verkaĵon".

Hue estis tiom ĝojega pro tiuj rimarkoj, ke ŝi ekploris. Tio signifis, ke ŝia instiga  persistemo dum pli ol ses jaroj  lernanta Ca tru estis fruktodona, tio estas, ke ŝi fariĝis veran Ca tru prezentiston. Metiistino Chuc estis ankaŭ kontenta pri sia persistema disĉiplo dirante: " Dum la lastaj 60 jaroj, ni - Ca tru prezentistoj - nun havas tian emociigan  ceremonion kiel tiu ĉi por rekoni Hue kiel plena membro de nia grupo."

La  solena malferma ceremonio por elmontri ŝian Ca tru prezentadon estis aranĝita kun la partopreno de multaj Ca tru artistoj kaj tiuj, kiuj interesiĝas pri ĉi tiu artformo, interalie profesoro Tran Van Khe kaj vicprofesoro Vu Nhat Thang. Hue prezentis kelkajn tipajn Ca tru kantoj, kiel " Ĵuro kun la lando" kaj "Kanto de la Ty ba liuto", kiu estis tre laŭditaj de la spektantaro.

Hue kreis Ca tru Klubon kaj nomas  ĝin  laŭ la malnova ĉefurbo de Thang Long (nuntempa Hanojo) celanta konservi la kvintesencon de ĉi tiu artformo transdonita de niaj prapatroj. La Klubo estas ejo por junaj artistoj viziti kaj lerni Ca tru. Ekde sia establo, la Thang Long Ca tru Klubo allogis  multajn homojn, kiujn amas ĉi tiun artformon. Hue mem kontribuis en trejnado de dekduo da junaj artistoj kiuj povas sufiĉe bone prezenti ĉi tiun artformon. Tiu unua sukceso estis inda rekompenco por ŝi post jaroj de senlaca dediĉo al ĝi.

Hue diris, ke ŝi scias tre bone, ke ĉi tiu speco de artformo estas alfrontanta  multajn malfacilaĵojn, tamen ŝi ankoraŭ insistas, ke ŝi sekvos sian vojon. "Mi jam estas elektinta ĉi tiun profesion, tial mi volas iri kun ĝi dum mia cetera vivo," ŝi diris. Fidela al ŝia penso, dum la lastaj jaroj ŝi estas kviete laboranta por konservi ĉiun verson de la malnovaj Ca tru kantoj de la pasinteco, kiel silkraŭpo diligente produktanta silkon.

Rigardante la belan vizaĝon de Hue, kiu estas kiel brilega kiel la plenluno, kaj aŭskultante  ŝiajn plej internajn sentojn, mi profunde taksas la  elkoran deziron de la artisto pasiginta sian junaĝon el la Ca tru lulilo de Thang Long - Hanojo, tio estas konservi kaj disvastigi ĉi tiun tradician artformon transdonita de niaj prapatroj, kiun oni rigardas kiel  unu el la nacia trezoroj. Ŝia granda klopodo por ke ĉi tiu revo fariĝu realo ĝis nun estas rekonita.



Ca tru ankaŭ nomita Hat Cua Quyen (kantado en reĝaj palacoj), Hat Cua Dinh (kantado por religiaj ritoj), Hat a dao (kantado por distro), Hat nha tro (kantado aŭ danco dum amuziĝo) kaj Hat thuong (kantado por esti rekompencita de la reĝo aŭ mandarenoj).

Laŭ la antikvaj bibliografioj, estas ĉirkaŭ 100 melodioj de Ca tru, sed hodiaŭ nur 20-40 estas prezentitaj. Je la unua de oktobro, 2009 Ca tru estis rekonita de UNESKO kiel urĝe protektenda netuŝita  kultura heredaĵo de la homaro.

Thanh Hoa

 

Fonto: Vjetnamio Ilustrita, Majo 2010

Fotoj: Tat Son – Arkivejo

Esperantigis : Alta